- शुक्रबार, ७ वैशाख, २०८१
काठमाण्डु,१८पुस–वर्षाका कारण शहीद स्मारक ए डिभिजन लिगका शनिबार र आइतबारका खेल स्थगित भएका छन् ।
शुक्रबार काठमाण्डुमा पानी परेपछि खराब मौसमका कारण लिगका बाँकी खेल दुई दिन पछाडि सारिएको अखिल नेपाल फुटबल संघका लिग निर्देशक सञ्जीव मिश्रले जानकारी दिए ।
अब शनिबार तय भएको मनाङ मर्स्याङ्दी र मछिन्द्र क्लब तथा जावलाखेल र एनआरटीबीचको खेल सोमबार हुनेछ । त्यसपछि हरेक दिनको खेल दुई दिन पछि हुनेछ ।
एन्फाको लिग कमिटीको शुक्रबार बसेको बैठकले लिग दुई दिन पछि सार्ने निर्णय गरेको हो ।
