- शनिबार, १५ वैशाख, २०८१
दमौली,४माघ– नेपाली काँग्रेसका केन्द्रीय सदस्य शङ्कर भण्डारीले पार्टीभित्र केन्द्रीय तहदेखि नै एकता आवश्यक रहेकामा जोड दिएका छन ।
नेपाली काँग्रेस तनहुँको सुदृढीकरण अभियानअन्तर्गत व्यास नगरपालिका–४ मा आज आयोजित कार्यक्रममा उनले केन्द्रीय तहमा नै नेताहरु एक हुन नसक्दा जिल्लास्तरमा पनि त्यो रोग देखापरेको टिप्पणी गरे ।
केन्द्रीय तहबाटै नेताहरुबीच एकताको सन्देश दिन 
आवश्यक छ, भण्डारीले भने, तबमात्र तल्लो तहसम्म कार्यकर्ताबीच सुमधुर सम्बन्ध कायम गर्न सकिन्छ । उनले केन्द्रमा नमिल्ने र तल्लो तहमा मात्रै कार्यकर्तालाई मिल्न दबाब दिनु उचित नभएको जिकिर गरे ।
बहुमत सहितको सरकार रहेको वर्तमान समयमा काँग्रेस कमजोर अवस्थामा रहेकाले पार्टीलाई बलियो बनाउने गरी काम गर्नुपर्नेमा भण्डारीको जोड थियो । मिलेनियम च्यालेन्ज कर्पोरेशन (एमसिसी) का विषयमा पार्टीभित्रै मतभेद रहेकाले यसलाई पारित गर्नेबारे अझै पनि छलफल गर्न आवश्यक रहेको भण्डारीले बताए ।
पार्टीका पूर्वसभापति धु्रव वाग्ले, सचिव विश्व बाँस्तोला, व्यास नगर समितिका सभापति शान्तिरमण वाग्ले लगायतले पार्टीको सुदृढीकरण अहिलेको मुख्य आवश्यकता भएकामा जोड दिए । नेपाली काँग्रेस तनहुँले जिल्लाका दश स्थानीय तहमा सङ्गठन सुदृढीकरण कार्यक्रमलाई तीव्रता दिएको छ ।
