काठमाण्डु , ४ फागुन — संसद् सचिवालयकी एक महिला कर्मचारीलाई बलात्कारको प्रयास गरेको आरोपमा जेल जिवन बिताइरहेका पूर्व सभामुख कृष्णबहादुर महरामाथि लागेको यौन दुर्व्यवहार सम्बन्धी मुद्दाको अन्तिम सुनुवाई आज हुँदैछ ।
जिल्ला अदालत काठमाण्डुका श्रेस्तेदार आनन्दप्रसाद श्रेष्ठले इजलाशबाट अन्यथा आदेश नभएमा आज आइतबारै मुद्दाको फैसला हुनसक्ने सम्भावना रहेको बताए ।
हेर्दाहेर्दैमा रहेको मुद्दाको न्यायाधीश अम्बरराज पौडेलको इजलाशमा पहिलो नम्बरमै सुनुवाइ भइरहेको छ ।
सरकारी वकिलले बहस गरिसकेको र प्रतिवादी पक्षका वकिलले बहस गरिरहेका छन् ।