- शुक्रबार, १४ वैशाख, २०८१
काठमाण्डु, १८ चैत– इन्धनको मूल्य १८ वर्षयताकै सबैभन्दा सस्तो भएको छ ।
कोरोना भाइरस (कोभिड–१९) को महामारी विश्वभर फैलिएसँगै माग ह्वात्तै घटेपछि तेलको मूल्य ओरोला लागेको हो ।
अन्तर्राष्ट्रिय बजारमा सोमबार तेलको मूल्य झरेर २२.५८ अमेरिकी डलर प्रतिब्यारेलमा सीमित भएको छ । यो सन् २००२ यताकै सबैभन्दा कम मूल्य भएको बीबीसीले जनाएको छ । सन् २००२ मा तेलको मूल्य प्रतिब्यारेलमा २० अमेरिकी डलरसम्म कायम भएको थियो । तेलको मूल्यमा लगातार ओरालो लाग्ने क्रम सँगै कतिपय कम्पनीले उप्पादन घटाएका छन् ।
कोभिड–१९ का कारण हाल विश्व नै लकडाउनको अवस्थामा छ । ठूला उद्योगे धन्दा, कलकारखाना, विकास आयोजना, जहाज र गाडी ठप्प छन् । सोही कारण बजारमा तेलको मूल्य निराशाजनक रुपमा तल झरेको हो ।
