काठमाण्डु, २३ चैत– पाकिस्तानमा कोरोना भाइरस (कोभिड–१९) को संक्रमण तीव्र रुपमा फैलने संकेत देखिएको छ ।
भारतमा संक्रमणले महामारीको रुप लिन थालेसँगै छिमेकी पाकिस्तान पनि त्यसबाट अछुतो नरहने देखिएको हो । पाकिस्तानबाट कोरोना संक्रमितको संख्या झण्डै तीन हजार पुगेको छ । मृतकको संख्या ५४ पुगेको छ ।
आइतबार मात्र कोरोनाका २ सय नयाँ संक्रमित थपिएका छन् । पाकिस्तानको स्वास्थ्य मन्त्रालयले सबैभन्दा बढी संक्रमित पन्जावमा रहेको जनाएको छ । त्यहाँ मात्र १ हजार १ सयभन्दा बढी कोरोनाका संक्रमित छन् ।