काठमाण्डु, २३ चैत– सरकारले कोरोना भाइरस (कोभिड–१९) रोकथाम तथा नियन्त्रणका लागि ५० हजार स्वास्थ्य स्वयंसेविका खटाउने भएको छ ।
कोरोना रोकथाम तथा नियन्त्रण उच्चस्तरीय समन्वय समिति बैठकले आइतबार गाउँगाउँमा रहेका स्वयंसेविकालाई जनचेनता कार्यमा खटाउने निर्णय गरेको हो ।
प्रधानमन्त्री कार्यालयमा सचिव नारायण बिडारीले त्यसरी खटिने स्वयंसेविकाले पारिश्रमिक पाउने जानकारी दिए । यस्तै ती सबैको अनिवार्य स्वास्थ्य बीमा गर्ने निर्णय पनि समितिले गरेको छ ।