काठमाण्डु, ४ जेठ– सरकारले कोरोना भाइरस (कोभिड–१९) महामारी रोकथाम तथा नियन्त्रणका लागि लगाउँदै आएको लकडाउन थप १५ बढाउन उच्चस्तरीय समन्वय समितिले मन्त्रिपरिषदसमक्ष सिफारिस गरेको छ ।
समितिले जेठ ५ देखि २० गतेसम्म लकडाउन अवधि थप गर्न सिफारिस गरेको हो । यसअघि घोषित लकडाउन भोलि (सोमबार) सकिँदै छ । मुलुकका विभिन्न जिल्लामा कोरोना महारीका नयाँ संक्रमित बढ्दै गएपछि सरकारले लकडाउन बढाउन लागेको हो ।
नेपालमा हालसम्म कोरोनाबाट दुई जनाको मृत्यु भएको छ भने संक्रमितको संख्या २ सय ९२ पुगेको छ ।
समितिको सिफारिसअनुसार जारी मन्त्रिपरिषद बैठकले औपचारिक रुपमा लकडाउन अवधि थप गर्नेछ ।