- शनिबार, ८ वैशाख, २०८१
काठमाण्डु, १० जेठ– प्रधानमन्त्री केपी ओली अस्वस्थ भएका छन् ।
स्वास्थ्यमा समस्या देखिएपछि प्रधानमन्त्री ओली सरकारी निवास बालुवाटारमै बसेको नेकपा सचिवालय बैठकमा उपस्थित भएनन् । बालुवाटरमा बैठक बसिरहँदा ओली शयन कक्षमा आराम गरिरहेको प्रधानमन्त्री कार्यालय स्रोतले जनाएको छ ।
अस्वस्थतको कारण भने खुलाइएको छैन । ओलीको तीन महिनाअघि दोश्रोपटक मृगौला प्रत्यारोपण गरिएको थियो । त्यसयता उनको स्वास्थ्यमा उल्लेख्य सुधार देखिएको थियो ।
तर, अस्पताल जानै पर्ने गरी स्वास्थ्यमा समस्या भने नदेखिएको भनाइ श्रोतको छ । धपेडीका कारण असहज महसुस भएकाले आराम गरेको उनको सचिवालयले जनाएको छ । प्रधानमन्त्री ओलीले पाँच दिनअघि प्रतिनिधिसभा र राष्ट्रियसभा बैठकलाई लागातार तीन÷तीन घण्टा सम्बोधन गरेका थिए ।
सोही कारण धपेडी भएको हुन सक्ने बताइएको छ । दोश्रोपटक अस्पतालबाट डिस्चार्ज हुनुअघि प्रधानमन्त्री ओलीलाई धपेडी नगर्न चिकित्सकले सुझाएका थिए । तर, चिकित्सकको सुझावको बेवास्ता गर्दै ओली काममा सक्रिय छन् ।
