- शुक्रबार, ७ वैशाख, २०८१
काठमाण्डु, १९ असार– लामो समयदेखि पोखरामा रमाइरहेका पूर्वयुवराज पारस शाह काठमाण्डु आएका छन् ।
पारसले शुक्रबार कोभिड–१९ महामारी नियन्त्रणमा सरकार असफल भएको भन्दैसामाजिक सञ्जाल फेसबुकमार्फत ‘इनफ इज इनफ’ अभियान सुरु गरेर चर्चामा आएका इशान अधिकारीलाई भेटेका हुन् । अधिकारी पछिल्लो ८ दिनयता ललितपुरको पाटन दरबार स्क्वाइरमा अनसनमा थिए ।
अनसनरत अवस्थामै स्वास्थ्यमा गम्भीर समस्या देखिएपछि अधिकारी र उनीसँगै अनसन बसेका पुकार बमलाई बिहीबार अनसनस्थलबाट उठाएर ह्याम्स अस्पताल लगिएको थियो । पारस उनीहरुलाई भेट्न शुक्रबार अस्पताल पुगेका थिए ।
पारसले जनताका पक्षमा आवाज उठाएकाले सत्याग्रही युवाप्रति आफ्नो समर्थन रहेको बताए । यसअघि प्रधानमन्त्री केपी ओलीले बिहीबार साँझ सत्याग्रही युवालाई भेटेका थिए ।
