- बुधबार, १७ वैशाख, २०८२
बाँके, १६ पुस–दिल्लीमा इन्जिनियरिङ पढिरहेका एक युवा आफ्नो बालविवाह बदर गर्नका लागि महिला तथा बालबालिका कार्यलयमा सल्लाह लिन आए ।
१३ वर्षको उमेरमा विवाह भएका मधेसी समुदायका ती युवालाई महिला तथा बालबालिकको कार्यालयले विवाह भएको आधिकारिक प्रमाण र अभिभावकलाई लिएर आउन भनि पठायो ।
नेपालगन्जकै एक स्कुलमा कक्षा १० मा पढ्ने अर्का एक युवा पनि महिला तथा बालबालिका कार्यालयमा आफ्नो बालविवाह बदर गराउन आए । उनलाई पनि कार्यलयले परिवारसहित आउन भन्यो ।
बाँकेका ती दुई युवा अभिभभावकले जबरजस्ती सानोमा गरिदिएको आफ्नो बालविवाह बदर गराउने कोसिसमा छन् ।
इन्द्रपुर गाविसका लक्षीराम साहुको केही महिना अगाडि महिला तथा बालबालिका कार्यलयकै सिफारिसमा अदालतबाट बालविवाह बदर भएको थियो ।
१२ वर्षमा ९ वर्षकी बालिकासँग विवाह गराइएका लक्षीरामले श्रीमतीलाई आयआर्जनका लागि ७५ हजार रुपैयाँ सहयोग गरेर सम्बनधबिच्छेद गरेका थिए । कानुनले बन्देज लगाए पनि बालविवाह गर्ने मधेसी समुदायको परम्परालाई लक्षीराम लगायतका युवाले हटाउने कोसिस गरेका छन् ।
नेपाल समचारपत्र दैनिकबाट
