- मंगलबार, १८ चैत, २०८१
काठमाण्डु २६ पुस– सरकारले २ माघमा २६ औँ भूकम्प सुरक्षा दिवस, २०८० मनाउने तयारी गरेको छ । बिहीबार २६ औँ भूकम्प सुरक्षा दिवस प्रचारप्रसार समितिले काठमाण्डुमा पत्रकार सम्मेलन गर्दै यस्तो जानकारी दिएको हो ।
सरकारले २ माघमा स्थानीय स्रोत र प्रविधि समेत प्रयोग गरौँ, भूकम्प थेग्ने संरचना बनाऔँ भन्ने मूल नारासहित दिवस मनाउन लागेको भूकम्प सुरक्षा दिवस प्रचारप्रसार समितिले जानकारी दिएको छ ।
वि.स. १९९० साल माघ २ गतेका दिन गएको महाभूकम्पको स्मृतिमा २०५५ सालदेखि सरकारले हरेक वर्ष माघ २ गते भूकम्प सुरक्षा दिवस मनाउँदै आएको छ । विगतका वर्षको जस्तै यो वर्ष पनि सरकारले देशभर विभिन्न भूकम्पीय सचेतना कार्यक्रम गर्दै मनाउन लागिएको सहरी विकास तथा भवन निर्माण विभागका महानिर्देशक सुरेन्द्रमोहन श्रेष्ठले जानकारी दिएका छन ।
उनले २६ औँ भूकम्प सुरक्षा दिवस समारोहमा प्रधानमन्त्री पुष्पकमल दाहाल प्रचण्डको उपस्थिति रहने पनि जानकारी दिएका छन ।
