![](https://www.kathmandutoday.com/wp-content/uploads/2024/05/dish.gif)
![](https://www.kathmandutoday.com/wp-content/uploads/2021/12/norvic.gif)
काठमाण्डु, १२ असार– चिनियाँ उपविदेशमन्त्री सुन वेइडोङ स्वदेश फर्केका छन । नेपाल–चीन कूटनीति परामर्श संयन्त्रको १६ औँ बैठकमा सहभागी हुन सोमबार नेपाल आएका उपविदेश मन्त्री सुन आज उपप्रधान तथा परराष्ट्र मन्त्री नारायणकाजी श्रेष्ठलाई भेटेर स्वदेश फर्केका हुन् ।
उनलाई परराष्ट्र मन्त्रालयका उपसचिव एवम् उत्तर–पूर्व एसिया महाशाखा प्रमुख कृष्णप्रसाद ढकालले त्रिभुवन अन्तर्राष्ट्रिय विमानस्थलमा बिदाइ गरेका थिए ।
हिजो मङ्गलवार नेपाल–चीन कूटनीति परामर्श संयन्त्रको १६ औँ बैठक बसेको थियो । सो बैठकले चीन र नेपालबिच उच्चस्तरीय संयन्त्र बनाउने सहमति गरेको छ ।
हालसम्म चीन र नेपालबिच सचिवस्तरीय संयन्त्र रहेको छ । बैठकले अब मन्त्रीस्तरीय संयन्त्र बनाउनुपर्ने सहमति गरेको छ । त्यस बैठकमा दुई पक्षीय सहकार्य र सम्बन्धको बारेमा कुराकानी भएको हो ।