- सोमबार, ८ वैशाख, २०८२
काठमाण्डु, ४ कात्तिक– रियल मड्रिडले स्पानिस ला लिगामा गएराति सेल्टा भिगोलाई २–१ ले पराजित गर्न सफल भएको छ । रियलका लागि केलिएन एमबाप्पे र भिनिसियस जुनियरले गोल गरेका थिए ।
यो जितपछि रियलले शीर्ष स्थानको बार्सिलोनासँग अंक बराबरी गरेको छ । खेलको २०औं मिनेटमा एमबाप्पेले गोल गर्दै रियललाई अग्रता दिलाएका थिए ।
तर सेल्टा भिगोका विलियट स्विडेबर्गले ५१औं मिनेटमा गोल गर्दै खेल १–१ को बराबरीमा ल्याउन सफल भएका थिए । ६६ औं मिनेटमा भिनिसियस जुनियरले गोल गर्दै रियललाई फेरि अग्रता दिलाएका थिए र त्यही अग्रता कायम राख्दै रियलले खेल जितेको हो ।
भिनिसियसको म्याच विनिङ गोलमा हसिस्ट गरेका लुका मोडरिच रियलका लागि खेल्ने सबैभन्दा पाका खेलाडी बनेका छन् । जितपछि रियलले बार्सिलोना समान २४ अंक जोडेको छ र तर गोल अन्तरमा रियल दोस्रो स्थानमै रहेको छ ।
