- आइतबार, ७ वैशाख, २०८२
काठमाण्डु, १४ मंसिर- नेपाल राष्ट्र बैंकले मौद्रिक नीतिको पहिलो त्रैमासिक समीक्षा सार्वजनिक गरेको छ ।
कुनै नीतिगत परिवर्तन नगरी केन्द्रीय बैंकले शुक्रबार मौद्रिक नीतिको समीक्षा सार्वजनिक गरेको हो ।
राष्ट्र बैंकले मौद्रिक नीतिको कार्यदिशालाई दिइएको निरन्तरताबाट मूल्य स्थिरता तथा बाह्य क्षेत्र स्थायित्व कायम राख्दै आर्थिक क्रियाकलाप विस्तारमा थप सहयोग पुग्ने बताएको छ ।
समीक्षाबाट नेपाल सरकारले लिएको आर्थिक वृद्धिको लक्ष्य हासिल गर्न सहयोग पुग्ने अपेक्षा बैंकले गरेको छ ।
मौद्रिक नीतिको विद्यमान नीतिगत दरलाई ५ प्रतिशत, ब्याजदर करिडोर अन्तर्गतको तल्लो सीमाको रूपमा रहेको निक्षेप संकलन दरलाई ३ प्रतिशत र ब्याजदर करिडोर अन्तर्गतको माथिल्लो सीमाको रुपमा रहेको बैंक दरलाई ६.५ प्रतिशतमा यथावत राखको छ।
अनिवार्य नगद मौज्दात र वैधानिक तरलता अनुपातलाई पनि नीतिलाई यथावत राखेको छ ।
