सौर्यमण्डलका प्रमुख ग्रह एक साथ देख्न सकिने

काठमाण्डु टुडे २०८१ माघ १३ गते १८:१६ मा प्रकाशित

 

काठमाण्डू, १३ माघ– सौर्यमण्डलका प्रमुख ग्रहहरू बुध, शुक्र, मङ्गल र वृहस्पति, शनि तथा दुईवटा मधुरा ग्रहहरू अरूण र वरूण एक साथ खाली आँखाले देख्न सकिने भएको छ ।

यी ग्रहहरू माघको दोस्रो सातादेखि माघ महिनाभर आकाशको एउटै भागबाट खाली आँखाले अवलोकन गर्न सकिने बीपी कोइराला मेमोरियल प्लानेटेरियम तथा अब्जरभेटरी र विज्ञान सङ्ग्रहालय विकास समिति कीर्तिपुरका कार्यकारी निर्देशक डा. सनतकुमार शर्माले जानकारी दिएका छन ।

हाम्रो आकाशमा शनि, शुक्र, वृहस्पति र मङ्गल ग्रहहरू लामबद्ध भएर एउटै पङ्तिमा आकाशमा नृत्य गरिरहेजस्तो देखिने उनले जानकारी दिएका छन ।

शर्माले जारी गरेको विज्ञप्तिमा भनिएको छ, ‘चारवटा चम्किला ग्रह (सूर्यको प्रकाशको परिवर्तनले गर्दा) बुध, शुक्र, मङ्गल, वृहस्पति तथा शनिग्रहहरू तथा दुई वटा मधुरा ग्रहहरू अरूण र वरूण एक साथ आकाशको एउटै भागबाट अवलोकन गर्न सकिन्छ ।’

Copyright © 2016 kathmandutoday.com Department of Information Reg No:460/074/75 About Us