- शुक्रबार, २१ चैत, २०८१
काठमाण्डू, २८ माघ–एमाले संसद सुनिता बरालले नेपालमा मादक पदार्थ र सुर्तीजन्य पदार्थको दुरुपयोग गम्भीर रुपमा सामाजिक समस्याको रुपमा बढिरहेको बताएकी छन । आज सोमबार बसेको प्रतिनिधि सभाको बैठका शुन्य समयमा बोल्दै एमाले सचेतक समेत रहेकी सांसद बारलले यस्तो बताएकी हुन ।
उनले विशेष गरेर युवा पुस्ता र विद्यालय तथा कलेज स्तरका विद्यार्थी हरुको यसको मुख्य चपेटामा परेको पनि बताइन । एमाले सचेतक बरालले प्रतिनिधि सभाको बैठकमा बोल्दै भनिन्, ‘ नेपालमा मादक पदार्थ र सुर्तीजन्य पदार्थको दुरुपयोग गम्भीर रुपमा सामाजिक समस्याका रुपमा बढिरहेको छ । युवा पुस्ता विशेष गरेर बिद्यालय तथा कलेजका विद्यार्थीहरु यस्तो समस्याको चपेटामा परेका छन ।
सरकार र सरोकारवालाहरुले बनेका नियमलाई नियमन नगर्दा खेरि यो समस्या अझ दिनानुदिन बढ्दो आवस्थामा छ। रक्सी र चुरोट किन्नका लागी कुनै पनि उमेर समूहकाले किन्न सक्ने अवस्था छ। त्यसकारण यो एउटा प्रतिनिधिपात्रको घटना मात्रै हो, यस्ता धेरै घटनाहरु र सामाजिक समस्याहरु छन जुन बनेका नियमहरुलाई प्रभावकारी कार्यान्वयन हुन नसक्दा सामाजिक रुपमा विकराल समस्याका रुपमा स्थापित हुदै गरेका छन ।
त्यसकारण म नेपाल सरकार र सम्बन्धित निकायलाई बनेका नियम कानुन र कार्यविधिहरु कार्यन्वयनको प्रभावकारीतामा थप ध्यान दिनका लागि ध्यानाकर्षण गराउन चाहान्छु ।’
