- बिहीबार, २० चैत, २०८१
काठमाण्डू, ८ फागुन- अन्तर्राष्ट्रिय महिला च्याम्पियनसिपअन्तर्गत बिहीबार भएको खेलमा लेबनानलाई पराजित गर्दै नेपाल फाइनलमा पुगेको छ ।
दशरथ रंगशालामा बिहीबार साँझ भएको खेलमा लेबनानमाथि १ ० गोलको जितसँगै नेपाल फाइनलमा पुगेको हो । सावित्रा भण्डारी साम्बाले गरेको निर्णायक गोल नै नेपालको जितको कारण बन्यो ।
नेपालका लागि साम्बाले पहिलो हाफमा गोल गरिन् । ४२औं मिनेटमा डिबक्स बाहिरबाट साम्बाले गरेको सशक्त प्रहार लेबनानकी डिफेन्डरको खुट्टामा लागेर जाली चुमेको थियो ।
खेलको नवौं मिनेटमा लेबनानको आक्रमणलाई नेपालकी गोलकिपर एन्जिला तुम्बापो सुब्बाले विफल पारिन् । लेबनानकी क्रिस्टी महालुफको प्रहारलाई पञ्च गर्दै उनले क्रसबारमाथि पठाउन सफल भइन् ।
पहिलो हाफको इन्जुरी समयमा साम्बाले लेबनानकी गोलकिपरले गोलपोस्टमा नभएको मौका छोपेर गरेको प्रहार उनकै खुट्टमा लागेर फर्कियो र गोल गर्ने सुन्दर अवसर गुमाइन् ।
अघिल्लो खेलमा किर्गिस्तानलाई समान १९० गोल अन्तरले पराजित गरेको नेपालले लिग चरणको अन्तिम खेल खेल्नुअघि फाइनलमा स्थान बनाएको छ ।
नेपालअघि म्यानमार फाइनलमा पुगिसकेको छ ।
आइतबार म्यानमारसँग लिगको अन्तिम खेल खेलेपछि बुधबार म्यानमारसँगै फाइनलमा नेपालको भेट हुनेछ ।
म्यानमारले यसअघि पहिलो खेलमा लेबनानलाई ३९१ गोल तथा बिहीबार भएको दोस्रो खेलमा किर्गिस्तानलाई ५ ० गोलले हराएको थियो ।
