- बिहीबार, २० चैत, २०८१
काठमाण्डू, १० चैत– छिमेकी देश भारतको उत्तर प्रदेश राज्यको बुलंदशहरमा चार वर्षीय बालिका बलात्कार गरेको आरोपमा प्रहरीले ८० वर्षीय एक वृद्धलाई प्रहरीले पक्राउ गरेको छ । आरोपित वृद्धले छिमेककै बालिकालाई बलात्कार गरेको बताइएको छ ।
बुलंदशहर प्रहरीले आइतबार यस घटनाबारे जानकारी दिएको भारतीय सञ्चारमाध्यमहरुले आफ्नो समाचारमा उल्लेख गरेका छन । बलात्कारको घटना शनिबार साँझ भएको बताइएको छ ।
घरको छतमा हजुरबुवासँग खेल्दै गरेकी बालिका अचानक बेपत्ता भएकी थिइन् । केहीबेरमा छिमेककै एउटा घरमा बालिका चिच्याएको आवाज आएको थियो । बालिकाको परिवार त्यहाँ पुग्दा बालिकासँग ती वृद्ध आवत्तिजनक अवस्थामा पाइएको भनेर प्रहरीमा उजुरी परेको छ । प्रहरीका अनुसार बालिकाको गुप्ताङ्गबाट रगत बगेको थियो ।
उक्त सहरका प्रहरी प्रमुख शंकर प्रसादका अनुसार बालिकालाई उपचारका लागि अस्पताल पठाइएको छ । आरोपितलाई गिरफ्तार गरी आवश्यक अनुसन्धान भइरहेको उनले जानकारी दिएका छन् ।
