- शुक्रबार, २१ चैत, २०८१
काठमाण्डू, १९ चैत– नेपाल प्रहरीको हिरासतमा रहेका राप्रपाका वरिष्ठ नेता रवीन्द्र मिश्र र सांसद धवलशमशेर राणालाई अध्यक्ष राजेन्द्र लिङ्देनले दोस्रोपटक भेटेका छन ।
गत शुक्रबार काठमाण्डूको तीनकुनेमा भएको राजावादी समुहको प्रर्दशन हिंसात्मक भएपछि पक्राउ परेका उनीहरूलाई लिङ्देनले यसअघि पनि एकपटक भेट गरेका थिए ।
शनिबार साँझ हिरासतमै पुगेर मिश्र र राणासँग भेट गरेका लिङ्देन मंगलबार पुनः उनीहरूलाई भेट्न पुगेका हुन् । मंगलबार दिउँसो ३ बजेतिर लिङ्देन धवल र रवीन्द्रलाई भेट्न पुगेको जिल्ला प्रहरी परिसर, काठमाण्डू स्रोतले जानकारी दिएको छ । लिङ्देनले उनीहरूलाई हिरासत कक्षमै पुगेर भेट गरेका थिए ।
