- बिहीबार, २० चैत, २०८१
काठमाण्डू, २० चैत– संघीय सांसद प्रतिनिधि सभा अन्तर्गतको संसदीय समितिले गत शुक्रबार काठमाण्डूको तीनकुनेमा भएको प्रदर्शनबारे जवाफ दिन गृहमन्त्री रमेश लेखकलाई बोलाएको छ ।
प्रतिनिधिसभा अन्तर्गत राज्य व्यवस्था तथा सुशासन समितिले राजावादी समूहको प्रदर्शनमा भएको लुटपाट, तोडफोडढ तथा आगजनीको घटनाबारे जवाफ दिन गृहमन्त्री लेखकलाई समितिमा बोलाएको हो ।
बुधबार सिंहदरबारमा बसेको बैठकमा सांसदहरूले राजावादी समूहको प्रदर्शनका क्रममा भएका जनधनको क्षतिबारे गृहमन्त्रीले जवाफ दिनुपर्ने बताएका थिए ।
उक्त विषयमा जवाफ दिनका लागि गृहमन्त्री लेखक आगामी शुक्रबार बस्ने बैठकमा उपस्थित हुने समितिका सभापति रामहरि खतिवडाले जानकारी दिए ।
