- शुक्रबार, २१ चैत, २०८१
काठमाण्डू, २१ चैत– काठमाण्डू महानगरपालिकाका प्रमुख प्रशासकीय अधिकृतलाई कार्यालय भित्र्याउन सम्पूर्ण जनप्रतिनिधि तथा कर्मचारी कार्यपालिकामा जम्मा भएको बेला रास्वपाबाट निर्वाचित काठमाण्डू महानगरपालिका वडा.नं– १६ कि अध्यक्ष रोजिना श्रेष्ठ भने सहभागी भएकी छैनन् । आफूलाई नबोलाइएको भन्दै उक्त कार्यक्रममा आफू सहभागी नभएको उनले प्रतिक्रिया दिएकी छन ।
आउन दिने कि नदिने भन्ने सम्बन्धमा उपमेयर सुनिता डंगालेदेखि कांग्रेस तथा एमालेका जनप्रतिनिधि तथा कर्मचारी कार्यालय प्राङ्गणमा भेला भएका छन् । उता महानगरर प्रहरी भने प्रमुख प्रशासकीय अधिकृतलाई रोक्न खटिएका छन् ।
मेयरले अवैधानिक रुपमा प्रमुख प्रशासकीय अधिकृतलाई कार्यालय प्रवेशमा रोक लगाइएको र यही कारणले कर्मचारीले ३ महिना र शिक्षकले ५ महिनासम्म तलब नपाएको उनीहरुको भनाइ छ ।
