- शुक्रबार, २१ चैत, २०८१
काठमाण्डू, २१ चैत– बागलुङमा चैते दशैं मेलाका लागि कोटमैदान जाँदै गरेको जिप दुर्घटना हुँदा एक जनाको मृत्यु भएको छ भने तीन जना घाइते भएका छन । मृत्यु हुनेमा गलकोट –११ रिघाका २२ वर्षीय विष्णु राना रहेको जिल्ला प्रहरी कार्यलय बागलुङले जानकारी दिएको छ ।
प्रहरीका अनुसार गलकोट नगरपालिका–३ हटिया बजारदेखि कोटमैदान जाँदै गरेको ग१ज ६१०० नम्बरको जिप दुर्घटना हुँदा रानाको मृत्यु भएको हो । दुर्घटनामा गलकोट–५ सर्दाखेतका २२ वर्षीय राजन विक, वडा नम्बर ४ डाँडाखेतका १९ वर्षीय रमेश सुनार र वडा नम्बर ३ बोहराफाँटका १९ को अशोक बोहरा घाइते भएको जिल्ला प्रहरी कार्यालय बागलुङका प्रहरी नायब उपरीक्षक विजय यादवले जानकारी दिएका छन ।
जिपमा चारजना सवार रहेको खुलेको पनि उनले जानकारी दिएका छन घाइते तीन जनाको गलकोट नगर अस्पतालमा उपचार भइरहेको यादवले जानकारी दिएका छन । चैतेदसैँ मेलाका लागि कोटमैदान जाँदै गर्दा जिप दुर्घटनामा परेको उनले बताए ।
