चितवनमा बस अनियन्त्रित भएर रुखमा ठोक्कियो, १२ जना घाइते

काठमाण्डु टुडे २०८१ चैत २१ गते १७:०१ मा प्रकाशित

काठमाण्डू, २२ चैत– चितवनको भरतपुरबाट माडीतर्फ जाँदै गरेको बस अनियन्त्रित भएर रुखमा ठक्किएर दुर्घटना हुँदा १२ जना घाइते भएका छन् ।

आज (शुक्रबार) दिउँसो माडी नगरपालिका १ बनकट्टातर्फ जाँदै गरेको ना ६ ख ९३६६ नम्बको बस आफै अनियन्त्रित भएर रुखमा ठक्कर खाँदा १२ जना घाइते भएको जिल्ला प्रहरी कार्यालय चितवनले जानकारी दिएको छ ।

घाइतेहरूको माडीस्थित बघौडा अस्पतालमा उपचार भईरहेको पनि प्रहरीले जानकारी दिएको छ । बस चालक फरार रहेको र उनको खोजी कार्य भइरहेको पनि प्रहरीले जनाएको छ ।

Copyright © 2016 kathmandutoday.com Department of Information Reg No:460/074/75 About Us