- बिहीबार, ४ वैशाख, २०८२
काठमाण्डू, २६ चैत– त्रिभुवन विश्वविद्यालयको उपकुलपतिबाट राजीनामा दिएका केसरजंग बरालले राजीनामा आफैंले लेखेको तर निजी सचिवले गएर बुझाएको बताएका छन ।
प्रधानमन्त्री केपी शर्मा ओलीको सचिवालयले राजीनामामा सनाखत नभएको बताएपछि बरालले आफैंले राजीनामा लेखेको प्रतिक्रिया दिएका हुन ।
उनले भने, ‘मेरै हातले लेखेर मेरो सचिवले गएर १५ चैतमा राजीनामा बुझएका हुन्, ‘प्रधानमन्त्री कार्यालयको सचिवसँग हिजो र आज कुरा भएको थियो । मैले मेरै राजीनामा हो, मैले नै हस्ताक्षर गरेको हुँ भनेर भनिसकेको छु ।’
राजीनामा पत्रमा आफूले स्वास्थ्यको कारण राजीनामा दिएको उल्लेख गरेको उनले बताए । ‘स्वास्थ्यका कारण राजीनामा दिएको हुँ ।’ बरालले भने ।
