- बुधबार, ३ वैशाख, २०८२
जाजरकोट, २ वैशाख– मंगलबार बिहान जाजरकोटमा भूकम्प गएको छ ।
जाजरकोटको कुशे गाउँपालिकाको पैंक केन्दबिन्दु भएर बिहान ४ बजेर ५३ मिनेटमा ४।४ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
केन्द्रका अनुसार यसअघि सोमबार राति ९ बजेर ३१ मिनेटमा पनि सोही स्थानलाई केन्द्रबिन्दु बनाएर ४.१ रेक्टर स्केलको भूकम्प गएको थियो ।
भूकम्पबाट भएको क्षतिको भने कुनै जानकारी प्राप्त नभएको जाजरकोट प्रहरीले जनाएको छ ।
पछिल्लो समय जाजरकोट केन्द्रबिन्दु भएर लगातार भूकम्प गइरहेको छ ।
यसअघि गत २१ चैतमा पैंकलाई नै केन्द्रबिन्दु बनाएर दुई पटकसम्म ५.२ र ५.५ रेक्टर स्केलको भूकम्प गएको थियो ।
