स्ववियु निर्वाचनः त्रिचन्द्रमा नेविसंघको प्यानलै विजयी

काठमाण्डू, २१ चैत– त्रिचन्द्र क्याम्पसको स्वतन्त्र विद्यार्थी युनियन (स्ववियु) अध्यक्षमा नेविसंघका गोविन्द कोइराला विजयी भएका छन । अध्यक्षमा विजयी भएका कोइरालाले १२१५ मत प्राप्त गरे । स्वतन्त्र उम्मेदवार बनेका सागर न्यौपानेले ६८३ मत पाउँदा नेकपा एमाले निकट विद्यार्थी संगठन अनेरास्ववियुबाट अध्यक्षका उम्मेदवार प्रमित विष्टले ४३१ मत प्रप्त गरेका थिए ।

नवनिर्वाचित समितिमा सचिव र कोषाध्यक्ष समेत नेविसंघले जितेको छ । सचिवमा आशिष गिरीले ८५६ मत प्राप्त गरे भने कोषाध्यक्षमा दुष्यन्त गौतमले ८८३ मत पाएर निर्वाचित भए । त्रिचन्द्रमा १६ वर्षपछि स्ववियु निर्वाचन भएको हो । नेविसंघ विरुद्ध अन्य पाँच विद्यार्थी संगठनले चुनावी गठबन्धन गरेका थिए ।