- बुधबार, १० वैशाख, २०८२
काठमाण्डू, ९ वैशाख– नेपाल राष्ट्र बैंकको गभर्नर चयनका लागि गठित सिफारिस समिति सदस्य पूर्वगभर्नर विजयनाथ भट्टराईले राजीनामा दिएका छन् ।
एक महिना बित्दासमेत समिति बैठक नबसेपछि भट्टराईले मंगलबार राजीनामा दिएका हुन् ।
अर्थमन्त्री विष्णु पौडेलले अहिलेसम्म बैठक बोलाएका थिएनन् ।
भट्टराईले बैठक नै नबस्ने समितिमा बस्नुको औचित्य नदेखेकाले राजीनामा दिएको बताएका छन् । समितिको संयोजक अर्थमन्त्री पौडेल छन् ।
सत्तारुढ काँग्रेस र एमालेबीच भागबण्डामा कुरा नमिल्दा गभर्नर नियुक्त हुन सकेको छैन ।
