- बिहीबार, ११ वैशाख, २०८२
काठमाण्डू, १० वैशाख– प्रधानमन्त्री केपी ओली र भारतीय समकक्षी नरेन्द्र मोदीबीच टेलिफोन संवाद भएको छ ।
ओलीले मोदीलाई बुधबार टेलिफोन गरी जम्मु–कश्मीरको पहलगाममा क्षेत्रमा आतंकवादी हमलामा परी २६ जनाले ज्यान गुमाएको घटनाप्रति दुःख व्यक्त गरेका हुन् । ओलीले त्यस क्रममा घटनाको निन्दा गरे ।
ओलीले हमलामा ज्यान गुमाएकाहरुप्रति समवेदना व्यक्त गर्दै त्यस्ता गतिविधिविरुद्ध नेपालको पूर्ण ऐक्यबद्धता रहेको बताए ।
हमलाको ‘द रेसिस्टेन्ट फ्रन्ट’ नामक आतंकवादी समूहले जिम्मेवारी लिएको छ । घटनालगत्तै प्रधानमन्त्री मोदी साउदी अरबको भ्रमण छोट्याएर स्वदेश फर्किएका छन । उनले घटनामा संलग्नमाथि निर्मम कारबाही हुने चेतावनी दिएका छन् ।
उक्त हमलापछि राजधानी नयाँदिल्लीसहित भारतभर सुरक्षा व्यवस्था कडा पारिएको सञ्चार माध्यमले जनाएका छन् ।
