- शुक्रबार, १२ वैशाख, २०८२
काठमाण्डू, ११ वैशाख– प्रहरी प्रधान कार्यालयले एकैपटक ठूलो संख्यामा प्रहरी नायब उपरीक्षक (डिएसपी) हरुको सरुवा गरेको छ ।
कार्यालयले बिहीबार १ सय २१ डीएसपीको सरुवा सूची सार्वजनिक गरेको हो ।काठमाण्डू उपत्यकाका ७ वृत्तमा प्रहरी फेरिएका छन् ।
प्रहरी वृत्त नयाँ बानेश्वरको जिम्मेवारी जिल्ला प्रहरी परिसर, काठमाण्डूको मुद्दा शाखामा कार्यरत डीएसपी हरि खतिवडालाई दिइएको छ।
थानकोट वृत्तको नेतृत्व डीएसपी एलिजा गिरीले सम्हाल्ने भएकी छिन् । कीर्तिपुर प्रहरी वृत्तमा डीएसपी रामबाबु महर्जन, बालाजुमा डीएसपी ज्ञानबहादुर बिष्ट, र कालिमाटीमा डीएसपी मधुकुमार थापालाई पठाइएको छ ।
यस्तै ललितपुरको चापागाउँ वृत्तको जिम्मेवारी यमकुमार श्रेष्ठ र भक्तपुर थिमी वृत्तको कमाण्ड डीएसपी नवराज ढुंगानाले सम्हाल्ने भएका छन् ।
