- सोमबार, १५ वैशाख, २०८२
काठमाण्डू, १४ वैशाख– सप्तरीको कञ्चनरुप नगरपालिका वडा नम्बर–१० स्थित बदगामा बस दुर्घटना हुँदा तीन जनाको मृत्यु भएको छ । आज (आइतबार) उदयपुरबाट विराटनगर जाँदै गरेको प्रदेश–१–०१–००१ ख ३४२० नम्बरको बस दुर्घटना हुँदा ३ जनाको मृत्यु भएको सप्तरीका एसपी ढकेन्द्र खतिवडाले जानकारी दिएका छन ।
मृत्यु हुनेमा सप्तरीको कोशी नगरपालिका–१ बस्ने ७५ वर्षीय रत्न बहादुर मगराती सहित ३ जना रहेको उनले जानकारी दिए । मृतक दुई जनाको पहिचान नखुलेको एसपी खतिवडाले जानकारी दिएका छन ।
दुर्घटनामा परेर २२ जना घाइते भएका छन् । बसमा ३५ जना सवार रहेको बताइएको छ । बस चालक झापाको मेचीनगर नगरपालिका–७ घर भएका ४७ वर्षीय अमृत दर्जीलाई प्रहरीले पक्राउ गरेको छ । घटनाबारे इलाका प्रहरी कार्यालय कञ्चनपुरले अनुसन्धान गरिरहेको छ ।
